کرینہ کپور نے خواتین کو وزن کم کرنے کا نسخہ بتا دیا۔۔۔ جانیئے 5 انتہائی آسان طریقے جو اداکارہ خود بھی کرتی ہیں

آج کل بڑھتا ہوا وزن ہر دوسرے شخص کے لیے مسئلے کا سبب ہے، لیکن اب آپ کی یہ مشکل جلد ہی آسان ہوسکتی ہے۔

 

 

بالی ووڈ کی حسینہ بے بو یعنی کرینہ کپور کا وزن بیٹے تیمور کی پیدائش کے بعد اچھا خاصہ بڑھ گیا تھا جسے انہوں نے واضح کم کیا۔ اداکارہ نے معروف سلیبریٹی نیوٹریشن رجوتا دیواکر کے ساتھ فیسبک لائیو سیشن کیا جس میں انہوں نے وزن کم کرنے کے ٥ ایسے طریقے بتائے جو ان کے آزمودہ ہیں۔

 

 

بہت سے لوگ سمجھتے ہیں کہ گھی کھانے سے ان کا وزن بڑھ سکتا ہے، لیکن ایسا نہیں ہے۔ اداکارہ نے بتایا کہ انہوں نے گھی کا استعمال حمل کے دوران اور بعد میں بھی کیا کیونکہ یہ بچے کی صحت کے ساتھ ساتھ وزن میں کمی کا بھی باعث بنتا ہے۔

 

 

کرینہ کپور کا کہنا تھا کہ میں راتوں رات وزن کم نہیں کرنا چاہتی تھی، میں نے اپنے وزن کو معمول پر لانے کے لیے ایک سال کا عرصہ لیا، ان کا کہنا تھا کہ ڈائیٹنگ وقتی طور پر ہوتی ہے لیکن اس سے صحت متاثر ہوجاتی ہے۔

 

 

کرینہ کپور کے مطابق اگر ورزش کو روزمرہ کی زندگی کا معمول بنا لیا جائے تو وزن کم کرنے میں اتنی مشکل نہیں ہوگی، روزانہ ورزش میٹلابولزم کو متحرک رکھتی ہے۔

 

 

کرینہ کا ماننا ہے کہ کھانا وقت پر کھایا جائے اور صحت مند خوراک کھائی جائے، جنک فوڈ سے جتنا ممکن ہو دور رہیں ورنہ وزن میں کمی کا سوچیں بھی مت۔

 

اداکارہ کے مطابق جسمانی وزن میں کمی کے لیے طے کردہ طریقہ کار پر جمے رہنا ہی بہتر ہوتا ہے، اگر ایسا نہ ہو تو جسمانی وزن میں کمی لانا نا ممکن ہوتا ہے۔

Sharing is caring!

Categories

Comments are closed.