پنجاب میں اربوں روپے کے متعدد ترقیاتی منصوبوں کی منظوری دے دی گئی

لاہور(ویب ڈیسک) وزیراعلیٰ عثمان بزدار نے پنجاب میں اربوں روپے کے ترقیاتی منصوبوں کی منظوری دے دی گئی، ان منصوبوں میں یونیورسٹیاں، کالجز، سڑکیں، واٹرسپلائی، ماڈل قبرستان، نیا لاری اڈا، پُل آبپاشی کے منصوبے شامل ہیں، 8 ہزار لیپ ٹاپ دینے کی بھی اصولی منظوری دی گئی۔وزیراعلیٰ پنجاب سردارعثمان بزدار کی زیر صدارت صوبائی کابینہ سٹینڈنگ کمیٹی

برائے فنانس کے اجلاس میں متعدد ترقیاتی منصوبوں کے لئے فنڈز جاری کرنے کے فیصلے کیے گئے۔وزیراعلیٰ عثمان بزدار کی زیر صدارت اعلیٰ سطح اجلاس میں بتایا گیاکہ لاہور میں پختہ سڑکوں کے 6 منصوبے 19 کروڑ روپے کی لاگت سے مکمل ہوں گے۔ شہر خموشاں اتھارٹی کے تحت لاہورمیں 4 ماڈل قبرستان بنانے کی اصولی منظوری دے دی گئی۔اجلاس میں ساہیوال کے علاقے ہڑپہ اور چیچہ وطنی میں واٹر سپلائی سکیموں کی منظوری دی گئی۔ وزیراعلیٰ نے دورہ ساہیوال کے دوران دونوں منصوبوں کا اعلان کیا تھا۔اجلاس میں فیصلہ کیا گیا کہ

میانوالی میں نیا سٹیٹ آف دی آرٹ لاری اڈہ بنایا جائے گا۔ لاری اڈہ میانوالی میں سیوریج اور ڈرینج کا منصوبہ 13 کروڑ روپے کی لاگت سے مکمل ہوگا۔میانوالی میں سیوریج، ٹف ٹائل اور پختہ سڑکوں سمیت متعدد منصوبو ں کی منظوری دی گئی۔ ضلع میانوالی میں سڑکوں کی تعمیر و مرمت کے 5 منصوبوں کی منظوری دی گئی۔میانوالی شہر کیلئے 4 ترقیاتی منصوبوں کی منظوری بھی دے دی گئی۔وزیر اعلی عثمان بزدار نے تحصیل ہیڈ کوارٹر ہسپتال منچن آباد کی اپ گریڈیشن کے لئے فنڈز کی منظوری دے دی ہے۔ وزیر اعلی عثمان بزدار نے کہا کہ منچن آباد کا

تحصیل ہیڈ کوارٹر ہسپتال 37 کروڑ روپے کی لاگت سے اپ گریڈ کیا جائے گا -اجلاس میں کوٹ مٹھن میں خواجہ غلام فرید مزار کے احاطے کی توسیع کی منظوری دی گئی۔ دربار خواجہ غلام فریدؒ کی باؤنڈری وال اورماربل فلور بنایاجائے گا۔وزیراعلیٰ عثمان بزدار نے دورہ پاکپتن میں اعلان کیا تھا۔ اجلاس میں کوہ سلیمان ڈویلپمنٹ اتھارٹی کے تحت پینے اور آبپاشی کیلئے پانی کی فراہمی کے منصوبوں کی منظوری دی گئی۔ اجلاس میں بتایا گیا کہ کوہ سلیمان امپروومنٹ پراجیکٹ کے تحت متعدد منصوبے 5 ارب 71 کروڑ روپے کی لاگت سے مکمل ہوں گے۔ سانگھڑ نالہ پر پل اور پختہ سڑک بنائی جائے گی۔ سخی سرور میں 3 کروڑ 97 لاکھ روپے کی لاگت سے واٹر سپلائی کا منصوبہ مکمل ہوگا- صوبائی کابینہ سٹینڈنگ کمیٹی برائے فنانس نے تین یونیورسٹیوں کے قیام کیلئے

فنڈز کے اجراء کی منظوری دے دی ہے۔اجلاس میں بابا فرید یونیورسٹی پاکپتن، کوہ سلیمان یونیورسٹی راجن پور اور یونیورسٹی آف حافظ آباد کیلئے فنڈز کے اجراء کی منظوری دی گئی۔ بابا فرید یونیورسٹی، کوہ سلیمان یونیورسٹی اورحافظ آباد یونیورسٹی کو پانچ سو،پانچ سو ملین کے ابتدائی فنڈزجاری ہوں گے۔اجلاس میں دیہی مرکز مال کو 8 ہزار لیپ ٹاپ دینے کی اصولی منظوری دی گئی۔وزیر اعلی عثمان بزدار نے ہدایت کی کہ 2200 لیپ ٹاپ پسماندہ علاقوں کے کالجز کو دیئے جائیں گے۔ اجلاس میں ہائیر ایجوکیشن کے تحت 5 کالجوں کو ایسوسی ایٹ کالجز کا درجہ دینے کی منظوری بھی دی گئی۔

Sharing is caring!

Categories

Comments are closed.